الرئيسية
السلام عليكم
اخوكم بو حميد
المعزه عز والعـز مـا يسكـن بخـوف والرجل ما ينحني عنـد نكسـات الحيـاه |
لا تهزك كلمة الضعف من بيـن الكتـوف واصل الخطوه وخل الردي تقصر خطـاه |
لا تردد كرر الطيـب والـرازق يشـوف والسنافي في المواجيـب ظرفـه مانهـاه |
مجلسك وش مجلسك كان ماضم الضيوف ومجلس الرجال يعطيـك فعـلاً مستـواه |
ثن ترحيبك وسهل مثـل وبـل القنـوف يحفظ الرجـال وجـه ولا يذخـر بجـاه |
لا لفاك الهرج لا تسمع لضرب الدفـوف والمقفـي لا تــرده ولا تمـشـي وراه |
وأنتبه من طيحت أبيك وعيونـك تشـوف والله أن تطفى عيونك ولا تلحـق جـزاه |
لا تخلي جنتك بيـن نـار وبيـن خـوف ثقل ديـنٍ مـا يوفـى وياكبـر الوصـاه |
بر بأمك دون منـه وبحسـاسٍ شغـوف جنتك قـدام عينـك ولا تنسـى الصـلاه |
ومحزمك لا صاح عزم على شق الصفوف يا تموت بعز لرضـاه يـا تدحـر عـداه |
عزوتك شمسك عفافك لا يذبحها الكسوف أحفظ أختك تحفظك صـح يامـال الغنـاه |
لا أعتزت بك من عنا حظ والا حر جوف جند الدنيـا العريضـه وسلمهـا النجـاه |
ولا تفلسف دون تحليل نظـرت فيلسـوف ولا تصنـع والطبيعـه تثيـر الأنتـبـاه |
فرصةٍ عدت ما ترجع بعد ضرب الكفوف من يحاول لجل يكسـب يحقـق مبتغـاه |
غلطة الجاهل سهاله ماتستوجـب وقـوف بس من باب النصيحه توضح لـه خطـاه |
وغلطة العاقل بحجمه تطوف أو ما تطوف بيـن مفهـوم التعمـد وتركيبـة غــلاه |
يا ملقحت الحكي أص وطويـق معـروف من متى وطويق يهتز من ضربة حصـاه |
المراجل مثل برد الشتاء والطيب صـوف ومن لقى كشميري العز ينعـم مـن دفـاه |
المراجل نورها نور ما حولـك خسـوف الخسوف أن صد عونك وبين لـك جفـاه |
لا تجامل في الحقايـق وتعميـك الألـوف كلمةٍ في وجه ظالـم تسجـل لـك زكـاه |
اخوكم بو حميد
